រយៈពេល ៣ឆ្នាំហើយ ដែលលោក ហ៊ុន សែន បានសន្យាថានឹងកែសម្រួលប្រព័ន្ឋលូដើម្បីរំដោះទឹក

(ទីក្រុងប៉ារីស) ៖ គិតមកដល់ពេលនេះ គឺមានរយៈពេល ៣ឆ្នាំហើយ ដែលលោកនាយករដ្ឋមន្រ្តី ហ៊ុន សែន បានសន្យាជាមួយប្រជាលរដ្ឋក្នុងរាជធានីភ្នំពេញ ថានឹងកែសម្រួលប្រព័ន្ឋលូដើម្បីរំដោះទឹក ដើម្បីធានាកុំឲ្យទឹកជន់លិចទីក្រុងរាល់ពេលមានភ្លៀង។ តែជាលទ្ធផល ៣ឆ្នាំបានកន្លងផុតទៅហើយ បន្ទាប់ពីកាសន្យារបស់លោកនាយករដ្ឋមន្រ្តី ទីក្រុងភ្នំពេញមិនត្រឹមតែមិនបានកាត់បន្ថយការលិចលង់ទេ គឺមានតែទឹកជន់លិចលង់ធ្ងន់ធ្ងរទៅៗឲ្យតែមេឃធ្លាក់ភ្លៀង។



គួររម្លឹកផងដែរថា កាលពី ៣ឆ្នាំមុន ក្នុងឱកាសដែលលោកនាយករដ្ឋមន្រ្តី ហ៊ុន សែន បានអញ្ជើញជាអធិបតីប្រគល់សញ្ញាបត្រជូនដល់ជ័យលាភីនិស្សិតសាកលវិទ្យាល័យបៀលបា្រយ នៅមជ្ឈមណ្ឌលកោះពេជ្រ នៅព្រឹកថ្ងៃទី២៩ ខែកញ្ញា ឆ្នាំ២០១៤ លោកបានសុំឲ្យប្រជាពលរដ្ឋក្នុងរាជធានីភ្នំពេញមានការយោគយល់ចំពោះទឹកភ្លៀងលិចផ្លូវនេះ ដោយនៅពេលនោះ លោក ហ៊ុន សែន បានមានប្រសាសន៍ថា “អាជ្ញាធរបាននឹងកំពុងចាត់វិធានការ ពិសេសការកែសម្រួលប្រព័ន្ឋលូដើម្បីរំដោះទឹក។”

សំណួរសួរថា៖ តើការកែសម្រួលប្រព័ន្ឋលូដើម្បីរំដោះទឹកនេះ ត្រូវការរយៈពេលប៉ុន្មានឆ្នាំទៅមុខទៀត ព្រោះ៣ឆ្នាំបានកន្លងផុតទៅហើយ? តើឯណាទៅពាក្យសន្យារបស់នាយករដ្ឋមន្រ្តី? តើទំនួលខុសត្រូវក្នុងនាមជាថ្នាក់ដឹកនាំប្រទេសនៅឯណា? ឬមួយការសន្យាគ្រាន់តែជាការលួងចិត្តពលរដ្ឋសម្រាប់ដោះខ្លួនមួយគ្រាៗ? ឬមួយក៏រដ្ឋាភិបាលលោក ហ៊ុន សែន អសមត្ថភាពក្នុងការដោះស្រាយបញ្ហាទឹកជន់លិចទីក្រុងនេះ?

ប្រភព៖ cambodiasymbolofchange.com