ខាងលើនេះជាការលើកឡើងរបស់ក្រុមអ្នកវិភាគសង្គមនិងប្រជាពលរដ្ឋមួយចំនួន បន្ទាប់ពីអ្នកឧកញ៉ា សុខ គង់ ស្ថាបនិកក្រុមហ៊ុនប្រេងសូគីម៉ិច និងមានក្រុមហ៊ុនជាច្រើនទៀតដូចជាក្រុមហ៊ុនសណ្ឋាគារសុខា ក្រុមហ៊ុនកាត់ដេរគង់ ហុង និងក្រុមហ៊ុនសុខាបូកគោ និងដែលគេស្គាល់ថាមានដើមកំណើតជាជនជាតិយួន និងថ្នាក់ដឹកនាំរបស់ខ្លួនបានសម្រេចដូរឈ្មោះ«រមណីយដ្ឋានឋានសួគ៌បូកគោ» ទៅជា «រមណីយដ្ឋានសុខាឋានសួគ៌» ។
បើយោងសេចក្តីជូនដំណឹងចុះថ្ងៃទី៣០ ខែសីហា ឆ្នាំ២១០៧ របស់ក្រុមហ៊ុនសុខា មិនបានបញ្ជាក់លម្អិតអំពីមូលហេតុនៃការសម្រេចប្តូរឈ្មោះ«រមណីយដ្ឋានឋានសួគ៌បូកគោ» ទៅជា «រមណីយដ្ឋានសុខាឋានសួគ៌»នោះទេ គ្រាន់តែបញ្ជាក់ថា ចាប់ពីថ្ងៃទី០១ ខែកញ្ញា ឆ្នាំ២០១៧ ថ្នាក់ដឹកនាំរមណីយដ្ឋានបានសម្រេចប្តូរឈ្មោះពី«រមណីយដ្ឋានឋានសួគ៌បូកគោ» មកជា «រមណីយដ្ឋានសុខាឋានសួគ៌» និងថារមណីយដ្ឋានឋានសួគ៌បូកគោ ដែលជារមណីយដ្ឋានលើកំពូលភ្នំដំបូងគេបង្អស់ និងតែមួយគត់នៅក្នុងមហាអនុតំបន់ទន្លេមេគង្គ ហើយប្រកបទៅដោយសក្តានុពលទាក់ទាញសម្រាប់ភ្ញៀវទេសចរណ៍ ហើយថាថ្នាក់ដឹកនាំនិងបុគ្គលិកទាំងអស់នៃរមណីយដ្ឋានសុខា ឋានសួគ៌មានសេចក្តីរីករាយនិងរំភើបយ៉ាងខ្លាំងចំពោះការផ្លាស់ប្តូរឈ្មោះនេះ ។
ក្រោយផ្លាស់ប្តូរឈ្មោះពី«រមណីយដ្ឋានឋានសួគ៌បូកគោ» ទៅជា «រមណីយដ្ឋានសុខាឋានសួគ៌» ប្រជាពលរដ្ឋខ្មែរនិងមជ្ឈដ្ឋាននានាជាច្រើនបានផ្ទុះប្រតិកម្ម ព្រោះពួកគេយល់ថា ភ្នំបូកគោមានឈ្មោះល្បីល្បាញខាងទាក់ទាញវិស័យទេសចរណ៍អាចចាត់ទុកជារមណីយដ្ឋានធម្មជាតិនិងប្រវត្តិសាស្ត្រ មិនត្រូវមានការផ្លាស់ប្តូរបាត់ឈ្មោះដើម«បូកគោ» ដែលប្រជាពលរដ្ឋខ្មែរនៅទូទាំប្រទេសនិងក្រៅប្រទេសតែងហៅនោះទេ ។
ក្រុមអ្នកវិភាគបានលើកឡើងទៀតថា អ្នកឧកញ៉ា សុខ គង់ ដែលមានដើមកំណើតយួនពិតជាមានចេតនាលុបបំបាត់ឈ្មោះទីតាំងធម្មជាតិតំបន់ឧទ្យានជាតិបូកគោនិងប្រវត្តិទីតាំងសាស្ត្រនានា ដើម្បីកុំឲ្យកូនខ្មែរជំនាន់ក្រោយស្គាល់ឈ្មោះដើមនៃទីតាំងសម្បត្តិធម្មជាតិនិងវប្បធ៌មប្រវត្តិសាស្ត្រជាតិរបស់ខ្លួន ។
សូមបញ្ជាក់ថាភ្នំបូកគោមានកម្ពស់ ១០៧៥ម៉ែត្រ ស្ថិតនៅចម្ងាយ ៤២គីឡូម៉ែត្រពីទីរួមខេត្តកំពត និងមានចម្ងាយជិត ២០០គីឡូម៉ែត្រពីរាជធានីភ្នំពេញ។ ឧទ្យានជាតិភ្នំបូកគោ ត្រូវបានរកឃើញដោយជនជាតិបារាំងមួយឈ្មោះថា រូលួស ហើយត្រូវបានរៀបចំឡើងនៅថ្ងៃទី១៣ ខែមេសា ឆ្នាំ១៩២២ ក្នុងរជ្ជកាលព្រះបាទស៊ីសុវត្ថិ។ នៅក្នុងសម័យសង្គមរាស្ត្រនិយម មានសំណង់អាគារសាធារណៈជាច្រើនប្រៀបដូចជាទីក្រុងមួយដែរ។
រមណីយដ្ឋានភ្នំបូកគោ គឺជាតំបន់រមណីយដ្ឋានទេសចរណ៍ដ៏ទាក់ទាញ និងល្បាញល្បីនៅក្នុងប្រទេសកម្ពុជាលើទឹកដីនៃខេត្តកំពត។ រមណីយដ្ឋានដែលមានកម្ពស់កប់ពពកមួយនេះ មានកន្លែងសម្រាប់កម្សាន្ត និងលំហែកាយជាច្រើន ដូចជាទឹកជ្រោះពពកវិល, ថ្មមុខយក្ស ឬអ្នកថែរក្សាព្រៃ, បឹងលើភ្នំ, វត្តសំពៅប្រាំ, ព្រះវិហារកាតូលិកចាស់, ឡឺ បូកគោ ផាលេស (សណ្ឋាគារចាស់), ដំណាក់ស្លាខ្មៅ, ដំណាក់ព្រះបាទមុនីវង្ស ឬដំណាក់ស្តេច, វាលស្រែ៥០០ និងកន្លែងសមាធិ។
ចាំមើលថាតើរាជរដ្ឋាភិបាលដឹកនាំដោយលោកនាយករដ្ឋមន្ត្រី ហ៊ុន សែន នឹងមានចំណាត់ការបែបណា ខណៈនៅលើបណ្តាញសង្គមហ្វេសប៊ុគពលរដ្ឋខ្មែរមិនចង់ឲ្យមានការផ្លាស់ប្តូរដោយពុំមានឈ្មោះដើម«បូកគោ»នោះ?៕
ប្រភព៖ angrut.com
Comments
Post a Comment