អុញនោះ!!​ ពិតដែរ ឬទេលោក​ ​ណាំ ប៊ុណ្ណារ័ត្ន​ ស្រាប់តែ....

អតីតតារាចម្រៀងលោក ណាំ ប៊ុណ្ណារ័ត្ន ក្រោយពេលក្លាយជាអ្នកនិពន្ធ ប្រចាំផលិតកម្មថោនមក គេសង្កេតឃើញថា ហាក់បីដូចជាមិនសូវបង្ហាញខ្លួន នៅក្នុងវិស័យសិល្បៈឡើយ ខណៈដែលថ្មីៗនេះបានធ្លាយដំណឹងថា លោកកំពុងតែសាងទ្រនំគ្រួសារ រស់នៅជាមួយប្រពន្ធ និង មានកូនប្រុសដ៏គួរឲ្យខ្នាញ់ម្នាក់ ស្របពេលដែលរូបលោក មិនដែលបានបញ្ចេញដំណឹងរៀបការ ឲ្យមហាជនបានដឹងនោះទេ ដែលធ្វើឲ្យមហាជន មានការភ្ញាក់ផ្អើលយ៉ាងខ្លាំង។

ជាមួយគ្នានេះ លោក ណាំ ប៊ុណ្ណារ័ត្ន តែងតែបង្ហោះរូបភាពកូនប្រុស និងភរិយា ជាច្រើនសន្លឹកនៅក្នុងគណនេយ្យហ្វេសប៊ុករបស់ខ្លួន បណ្ដាលឲ្យមហាជន មានការងឿយឆ្ងល់ រហូតមានគេដេញដោល សាកសួរពត៌មាន ទើបលោកសារភាពថា ពិតជាមានកូនប្រុសរបស់លោកពិតមែន ព្រោះតែតារាចម្រៀងរូបនេះ ចូលចិត្តរស់នៅភាពស្ងប់ស្ងាត់ ទើបមិនសូវបញ្ចេញរឿងឯកជន ឲ្យមហាជនបានដឹងជាសាធារណៈ។ ចំណែកឯភរិយារបស់លោក ត្រូវបានគេដឹងថា មិនមែនជាអ្នកសិល្បករនោះទេ។ ដោយឡែក លោកបានសាងស្នេហ៍ជាមួយភរិយា ដើរលើវិថីជីវិតគូរប្រហែល៣ឆ្នាំ មកហើយ ព្រមទាំងទទួលបានចំណងដៃកូនប្រុសតូច គួរឲ្យស្រឡាញម្នាក់ អាយុ៩ខែ ដែលមានរូបរាងសង្ហា ភ្នែកមូលក្រឡង់ ដូចជាឪពុករបស់គេអ៊ឹចឹង។

គួរបញ្ជាក់ថា តារាចម្រៀងលោក ណាំ ប៊ុណ្ណារ័ត្ន គឺជាអតីតតារាចម្រៀងប្រចាំផលិតកម្ម M ក្រោយមកបានផ្លាស់ប្ដូរចូលផលិតកម្ម ថោន ហើយបច្ចុប្បន្ននេះ លោកបង្វែចំណាប់អារម្មណ៍ មកបង្កើតជំនួញផ្ទាល់ខ្លួន ដោយបើកហាងលក់ភេសជ្ជៈយីហោ «CHOB CHA» ដែលធ្វើឲ្យមួយរយៈចុងក្រោយនេះ លោកហាក់បីដូចជាបាត់មុខ ពីវិស័យសិល្បៈ ហើយគេមិនសូវឃើញវត្តមានរបស់លោក ឡើងសម្ដែងនៅក្នុងកញ្ចក់ទូរទស្សន៍ឡើយ។ លោកក៏មានសមត្ថភាពអាចនិពន្ធបទចម្រៀង បានដោយខ្លួនឯងផងដែរ៕

ប្រភព៖ khmerload