(ឲ្យយោបល់ផង) តើកំហុសអ្នកណា??? ស្ត្រីម្នាក់ស្លាប់ចោលកូនអោយនៅកំព្រា ក្រោយពេលសម្រាលបាន ១២ម៉ោង

មន្ទីពេទ្យគឺជាជម្រកនៃមជ្ឈជនទូទៅទាំងរាស្ត្រ ទាំងមន្ត្រីរាជការដែលមានជំងឺដង្កាត់ តែងស្វះស្វែងទៅរកទីនោះ ព្រោះជាកន្លែងដែលប្រជាជនជឿទុកចិត្ត និងផ្ញើរជីវិតផ្ញើរកាយ ដើម្បីដោះទុកលំបាក។ នៅក្នុងមន្ទីពេទ្យនីមួយៗ តែងមានគ្រូពេទ្យដែលមានវិជ្ជាជីវៈខ្ពស់ សម្រាប់ថែរក្សាអ្នកជំងឺដែលមកព្យាបាល និងយកចិត្តទុកដាក់ជាទីបំផុតរាល់ពេលដែលអ្នកជំងឺមានអាការៈមិនស្រួល។ ចុះបើគ្រូពេទ្យដែលមកធ្វើការតែមិនបារម្ភពីអ្នកជំងឺនោះ តើវាយ៉ាងម៉េចទៅវិញ?

ជាធម្មតាពេទ្រស្រុកខ្មែរមួយចំនួនគឺត្រូវបានរងការិះគន់ជាច្រើនពីសំណាក់ប្រជាពលរដ្ធអំពីការយកលុយមិនដល់បំរើការមិនល្អនឹងអាចឈានដល់ការទុកចោលរហូតដល់ស្លាប់ទៀតផង។ ករណីទាំងនេះក៏មានការិះគុនជាច្រើនតែក៏នៅតែមានជារឿយៗ រហូតមកដល់សព្វថ្ងៃ ដែលជាទង្វើដ៏ឆ្គាំឆ្គងបំផុតសម្រាប់ឈ្មោះជាអ្នកសង្គ្រោះជីវិត ហើយសង្គមខែ្មរទាំងមូលក៏ត្រូវការសង្គមមនុស្សបែបនេះដែរ។

យ៉ាងណាម៉ិញ ក៏មិនខុសអ្វីពីការរៀបខាងលើប៉ុន្មានដែរ ដោយសារនៅមន្ទីពេទបង្អែកស្រុកមោងឬស្សីខេត្តបាត់ដំបង បានទុកអោយស្រ្តីម្នាក់ដែលទើបតែសម្រាលកូនបាន ១២ម៉ោងប៉ុណ្ណោះស្លាប់ ខណៈដែលជនរងគ្រោះមានសភាពថប់ៗដង្ហើម ហើយប្ដីជនរងគ្រោះក៏បានទៅហៅពេទ្យអោយមកពិនិត្យ តែពេទ្យបែរជាធ្វើប្រងើយ។ ដោយហួសចិត្តទៅហ្នឹងទង្វើរបស់គ្រូពេទ្យនៅក្នុងមន្ទីពេទ្យបង្អែក សាច់ញាតិជនរងគ្រោះ ក៏បានព្រលយពាក្យតាមបណ្ដាញសង្គម ហ្វេសប៊ុក របស់ខ្លួនថា «បងស្រីបង្កើតរបស់ខ្ញុំសំរាលកូនរួចបាន12ម៉ោងហើយស្លាប់ ដោយបានបន្សល់ទុកកូនស្រីបីនាក់ ។ #តែក្រុមគ្រួរសាយើងខ្ញុំហួសចិត្តត្រង់ បងស្រីខ្ញុំតឹងទ្រូង នឹង ដកដង្ហើមថប់ៗ ហើយប្ដីគាត់តាមពេទ្យបីបួនដង ពេទ្យគេមិនមកមើលទេធ្វើប្រងើយ ។ តែដល់ពេលបងស្រីខ្ញុំជិតផុតដង្ហើមទើបពេទ្យមករោមមើល ។ @ពេទ្យបង្អែកស្រុកមោងឬស្សី»៕

ប្រភព៖ Khmersocial