ភ្នំពេញ៖ គណះកម្មការចំរុះ ដឹកនាំដោយ មន្ទីរធម្មការខេត្ត រួមនិង សមត្ថកិច្ចនិងអាជ្ញាធរ មូលរដ្ឋាន ត្រូវបានប្រជាពលរដ្ឋដែលលេងបណ្តាញសង្គមនាំគ្នារិះគន់ ក្រោយពីវដេអូមួយបានផ្សព្វផ្សាយ ពីសកម្មភាពចុះទៅពិនិត្យមើលការ ប្រតិបត្ត័របស់ បុគ្គល ធាន វុទ្ធី ដែលតាំង ខ្លួនជា ព្រះអរហន្ត បែជានាំគ្នាទៅយកលុយពី បុគ្គល ធាន វុទ្ធីទៅវិញ ។
សូមបញ្ជាក់ថា ក្រោយពី មានការផ្សព្វផ្សាយថា លោក ធាន វុទ្ធី តាំងខ្លួនជា ព្រះវររាជបិតាព្រះចក្រវាឡ ជាព្រះដ៏មានបុណ្យ ដោយមានពាក់ម្កុដ អង្គុយលើបាល័ង្គ បង្ហោះក្នុងហ្វេកបុកបង្កឲ្យមានការភ្ញាក់ផ្អើល ក្នុងស្រទាប់ ពលរដ្ឋខ្មែរ កាលពី ថ្ងៃទី១២ តុលា ២០១៧ គណះកម្មការចំរុះ ដឹកនាំដោយមន្ទីរធម្មការខេត្ត រួមនិង សមត្ថកិច្ចនិងអាជ្ញាធរ មូលរដ្ឋាន បានចុះទៅដល់ ទីតាំង លោក ធាន វុទ្ធី នៅភូមិចំប៉ាឃុំចំប៉ាស្រុកព្រៃកបក្បាសខេត្តតាកែវ សាកសួរនិងពិនិត្យ មើល សកម្មភាព តើ ដូចការផ្សព្វផ្សាយថាលោក បានតាំង ខ្លួនជា សម្តេច ព្រះវររាជបិតាព្រះចក្រវាឡ ជាព្រះដ៏មានបុណ្យ ដូចការផ្សព្វផ្សាយដែរអត់ ។ចំណែក លោក ធាន វុទ្ធី បានបដិសេធ ក្នុងកិច្ចសម្ភាសន៍ជាមួយអ្នកយកព័ត៌មានថា ចំពោះការចោទប្រកាន់ទាំងឡាយ ដែលអះអាងថា លោកបានតាំងខ្លួនជាព្រះមហាក្សត្រ ដែលសូម្បីតែគិតក៏លោកគ្មានដែរនោះ។
យោងតាមការ ផ្សាយ របស់ គេហទំព័រមួយបានឲ្យដឹងថា ក្រោយពីដើរចុះក្រឡឹងជុំវិញ កន្លែង បុគ្គល ធាន វុទ្ធី រួច គណះកម្មការចំរុះ ដឹកនាំដោយមន្ទិរធម្មការខេត្ត រួមនិង សមត្ថកិច្ចនិងអាជ្ញាធរ មូលរដ្ឋាន មិនបាននិយាយអ្វីទេ ចំណែក លោក ប្រធាន ធម្មការខេត្តបាននិយាយកាន់ជើង បុគ្គល ធាន វុទ្ធីទៅវិញ មិនតែប៉ុណ្ណោះ នៅក្នុងវិដេអូនោះ ក្រោយពីសំណេះសំណាលរួច គណះកម្មការចំរុះ ដឹកនាំដោយមន្ទីរធម្មការខេត្ត រួមនិង សមត្ថកិច្ចនិងអាជ្ញាធរ មូលរដ្ឋាន បែជាឈរចាំទទួលលុយពី បុគ្គល ធាន វុទ្ធី ទៅវិញ ។
សកម្មភាព វិដេអូ ដែលបង្ហោះនៅតាមបណ្តាញ សង្គមហ្វេកបុក ត្រូវបាន ប្រជាពលរដ្ឋនាគ្នារិះគន់ ថា ថ្នាក់លើ ឲ្យ គណះកម្មការចំរុះ ចុះទៅត្រួតពិនិត្យ បុគ្គល ធាន វុទ្ធី បែជាទៅយកលុយពី បុគ្គលនោះទៅវិញ មិនតែប៉ុណ្ណោះ ថែមទាំងនិយាយកាន់ជើង ទៀតផង។
ប្រភព៖ peoplenews
Comments
Post a Comment