បើតាមសេចក្តីថ្លែងការណ៍លោក សម រង្ស៊ី ជាមួយអ្នកគាំទ្រ និងថ្នាក់ដឹកនាំគណបក្សសង្គ្រោះជាតិ ពីក្រៅប្រទេស ស្តីពីការធ្វើសេចក្តីសម្រេច ក្នុងនាមគណបក្សសង្គ្រោះជាតិ ក្នុងកាលៈទេសៈបច្ចុប្បន្ន បានឲ្យដឹងថាគម្រោងដែលចង់រំលាយគណបក្សសង្គ្រោះជាតិ ត្រូវបានគណបក្សកាន់អំណាចរំសាយវិញហើយ ដោយរដ្ឋាភិបាលលោកហ៊ុន សែន មិនអាចទ្រាំទ្រនឹងសំពាធពីសហគមអន្តរជាតិ និងមហាជនសង្គ្រោះជាតិកម្ពុជាបាន។
លោក អេង ឆៃអ៊ាង នៅព្រឹកថ្ងៃទី ២៧ ខែតុលា ឆ្នាំ ២០១៧ នេះ ក៏បានបង្ហោះសារនៅលើទំព័រហ្វេសប៊ុករបស់លោក ថាប្រទេសជប៉ុនម្ចាស់ជំនួយដ៏ធំបានបង្ហាញជំហររបស់ខ្លួនហើយ ចំពោះវបត្តិនយោបាយនៅកម្ពុជា។
លោក អេង ឆៃអ៊ាង បានបញ្ញាក់ថា៖
ប្រទេសជប៉ុន បានបង្ហាញជំហរជាផ្លូវការហើយ បន្ទាប់ពីស្ងាត់ស្ងៀមរយៈពេលជិតពីរខែ ក្រោយការចាប់ខ្លួនលោកប្រធាន កឹម សុខា ។
នៅក្នុងជំនួបផ្លូវការ ជាមួយសម្តេច ហេង សំរិន ប្រធានរដ្ឋសភា នាព្រឹកថ្ងៃទី២៦ ខែតុលាម្សិលមិញ លោក Iwao Horii អនុរដ្ឋមន្ត្រីក្រសួងការបរទេសជប៉ុន បានសម្តែងការព្រួយបារម្ភ អំពីការចាប់ខ្លួនលោកប្រធាន កឹម សុខា និងការប៉ុនប៉ងរំលាយគណបក្សសង្គ្រោះជាតិ ពីសំណាក់រដ្ឋាភិបាលលោក ហ៊ុន សែន ។
សូមជំរាបថា បច្ចុប្បន្ន ប្រទេសជប៉ុន និងសហគមន៍អឺរ៉ុប កំពុងដើរតួនាទីយ៉ាងសំខាន់ ក្នុងការជួយដល់ដំណើរការបោះឆ្នោតនៅកម្ពុជា ដើម្បីធានាថា ការបោះឆ្នោតនោះ ប្រព្រឹត្តទៅដោយសេរី ត្រឹមត្រូវ និងយុត្តិធម៌ ។ បើប្រទេសជប៉ុន និង សហគមន៍អឺរ៉ុប ឈប់ជួយដល់ការបោះឆ្នោត នោះការបោះឆ្នោតនៅកម្ពុជា ឆ្នាំ២០១៨ ខាងមុខនេះនឹងគ្មានន័យ ។ នេះ មិននិយាយដល់ការជួយកម្ពុជាលើវិស័យផ្សេងទៀតពីប្រទេសជប៉ុន និងសហគមន៍អឺរ៉ុប ។
ចំណែកលោក ហៃ វណ្ណា អ្នកគាំទ្រគណបក្សសង្គ្រោះជាតិនៅប្រទេសជប៉ុន បានបង្ហោះសារគួរឲ្យមានសង្ឃឹមមួយថា៖
លោកអនុរដ្ឋមន្ត្រីក្រសួងការបរទេសជប៉ុនមិនទាំងអញ្ជើញដល់ស្រុកខ្មែរស្រួលបួលផង រដ្ឋាភិបាលលោក ហ៊ុន សែន មានឥរិយាបថទន់ភ្លន់បាត់ទៅហើយ ។
លោក កឹម សុខា នឹងត្រូវបានដោះលែងយ៉ាងយូរត្រឹមថ្ងៃទី៩ ខែវិច្ឆិកា ឆ្នាំ២០១៧នេះ ហើយលោក សម រង្ស៊ី ក៏នឹងត្រូវវិលចូលស្រុកវិញមុនថ្ងៃបោះឆ្នោតឆ្នាំ២០១៨ខាងមុខនេះដែរ ដូច្នេះសូមបងប្អូនជនរួមជាតិទាំងអស់អញ្ជើញទៅចុះឈ្មោះបោះឆ្នោតកុំបីខាន ។
ហើយគណបក្សសង្គ្រោះនឹងមិនរលាយទៅណា ទេតែគណបក្សប្រជាជនកម្ពុជាទេ ដែលនឹងត្រូវរលាយនាពេលខាងមុខ៕
ប្រភព៖ cfapost.com
Comments
Post a Comment