ឪពុកម្ដាយ​៥គូ ក្មេងៗ​បំផុតនៅ​អង់គ្លេស បើដឹងអាយុ​ពួកគេ អាចស្រក់​ទឹកភ្នែក

អាយុ​ជា​លក្ខខណ្ឌ​សំខាន់​បំផុត​មួយ​ក្នុង​ចំណោម​លក្ខខណ្ឌ​​ចំបង​ផ្សេងៗ​ទៀត ដើម្បី​អនុញ្ញាត​ឲ្យ​មនុស្ស​​ម្នាក់​បាន​រៀប​ការ​ស្រប​ច្បាប់ និង​មាន​កូន​ប្រកប​ដោយ​សុខភាព​ល្អ​ទាំង​ម្ដាយ និង​ទារក។ ​មនុស្ស​ចាស់​​ពេក​មាន​កូន​ក៏​លំបាក ក្មេង​ពេក​ក៏​លំបាក ព្រោះ​អាច​ប៉ះ​ពាល់​ផ្លូវ​​ចិត្ត និង​យ៉ាប់យ៉ឺន​ខ្លួន​ឯង​ក្នុង​ជីវិត​ប្រចាំ​ថ្ងៃ ជា​​ពិសេស​​របរ​ទទួល​ទាន​តែ​ម្ដង។

ឥឡូវ​មក​ស្គាល់​ឪពុក​ម្ដាយ​វ័យ​ក្មេង​ៗ​មិន​គួរ​ឲ្យ​ជឿ​ទាំង ៦​គូ​ នៅ​អង់គ្លេស​ អ្នក​អាច​នឹង​មិន​ជឿ តែ​ពួក​គេ​ភាគ​ច្រើន​គឺ​ជា​ជន​រងគ្រោះ​ដោយ​សារ​អំពើ​អមនុស្ស​ធម៌​ចាប់​រំលោភ តែ​អ្នក​ខ្លះ​ក៏​ដោយ​សារ​ការ​ស្រលាញ់​ជ្រុលជ្រួស​គ្នា​ដែរ​​។

១. កុមារី Tressa Middleton

​រស់​នៅ​ទីក្រុង Wstt Lothian ចាប់​ផ្ដើម​មាន​ផ្ទៃ​ពោះ​នៅ​អាយុ ១១​ឆ្នាំ បន្ទាប់​ពី​ត្រូវ​បង​ប្រុស​ចាប់​រំលោភ​ក្នុង​​ឆ្នាំ ២០០៦ និង​សម្រាល​កូន​​នៅ​អាយុ ១២​ឆ្នាំ។ កូន​របស់​នាង​ត្រូវ​បាន​គេ​បញ្ជូន​​ទៅ​កាន់​មជ្ឈមណ្ឌល​​មើល​ថែ​កុមារ។ បង​ប្រុស​របស់​នាង​មាន​ឈ្មោះ Jason ​កាល​នោះ​មាន​អាយុ ១៦​ឆ្នាំ​បាន​ចាប់​រំលោភ​នាង​ទោះ​ដឹង​ថា​ នាង​​មាន​សង្សារ​ក៏​ដោយ។

ពី​ព្រោះ​តែ​នាង​សម្រាល​កូន​ទាំង​នៅ​វ័យ​ក្មេង​ខ្ចី​ពេក​ នាង​​​​ធ្លាប់​កើត​​​ជំងឺ​បាក់​ទឹក​ចិត្ត រហូត​ឈាន​ដល់​ប្រើ​ប្រាស់​គ្រឿង​ញៀន​ថែម​ទៀត។ ទោះ​យ៉ាង​ណា នាង​​បាន​យល់​ព្រម​ឲ្យ​កូន​ខ្លួន​ទៅ​អ្នក​ដទៃ​ចិញ្ចឹម​ជា​ផ្លូវ​ការ​ក្នុង​ឆ្នាំ ២០០៨។

២. Alfie Patten និង Chantelle Stedman

​Alfie Patten ​​ជា​សិស្ស​សាលា​ម្នាក់​​នៅ​អង់គ្លេស ​បាន​ក្លាយ​ជា​ឪពុក​គេ​នៅ​អាយុ​ ១៣​ឆ្នាំ​ ជាមួយ​ម្ដាយ Chantelle Stedman ​អាយុ​ ១៥​ឆ្នាំ​។ ​ពួក​គេ​​ស្គាល់​​គ្នា​ក្នុង​ឆ្នាំ ២០០៨​ ខណៈ​កំពុង​ដើរ​លំហែ​តាម​ដង​ផ្លូវ​នៅ​ទីក្រុង East Sussex។ ​ការ​ឆាប់​មាន​កូន​​របស់ Alfie ទាំង​វ័យក្មេង​នេះ ​ធ្វើ​ឲ្យ​រូប​គេ​មាន​វិប្បដិសារី​យ៉ាង​ខ្លាំង​រហូត​បោះ​បង់​ចោល​ការ​សិក្សា។

លោក​​ធ្លាប់​រៀប​រាប់​ប្រាប់​សារព័ត៌មាន The Sun ថា “​ការ​រួម​ភេទ​នៅ​អាយុ​ក្មេង​ខ្ចី​បែប​នេះ វា​បាន​បំផ្លាញ​ជីវិត​របស់​ខ្ញុំ។ វា​ជា​កំហុស​ធំ​បំផុត​ខ្ញុំ​មិន​ធ្លាប់​ជួប។ ខ្ញុំ​ឈប់​រៀន និង​មិន​អាច​ធ្វើ​ការ​រកស៊ី​បាន​ទៀត។ ខ្ញុំ​មិន​ដែល​ស្រមៃ​ថា ជីវិត​ខ្ញុំ​ជួប​ការ​លំបាក​ដល់​ថ្នាក់​នេះ​ឡើយ​ពេល​ក្លាយ​ជា​ឪពុក​គេ។” កូន​ស្រី​របស់​ពួក​គេ​មាន​ឈ្មោះ​ Maisie មាន​ទម្ងន់​ធម្មតា​គឺ​ជាង​ ៣គីឡូក្រាម។

៣. Alleshia Gregson

​នាង Alleshia Gregson ​​ជួប​រឿង​​គួរ​ឲ្យ​រន្ធត់​ចិត្ត​​​មួយ ​ដោយ​នាង​​មាន​ផ្ទៃ​ពោះ​ជា​លើក​ដំបូង​​នៅ​អាយុ ១២​ឆ្នាំ​ ជាមួយ​​មនុស្ស​មិន​ស្គាល់​អត្តសញ្ញាណ​ម្នាក់។ ​នាង​បាន​លាក់​បាំង​​រឿង​សម្ងាត់​​​ជ្រុល​ជ្រួស​នេះ​ រហូត​​​​​​ដល់​ថ្ងៃ​នាង​​សម្រាល​​កូន។ ​មួយ​ឆ្នាំ​​កន្លង​​​​ទៅ ​​នាង​មាន​ផ្ទៃ​ពោះ​កូន​ទី​ពីរ​ទៀត​ ​​ជា​មួយ​មនុស្ស​មិន​ស្គាល់​អត្តសញ្ញាណ​​ដដែល​ពោល​នៅ​អាយុ ១៥​ឆ្នាំ​។

៤. April Webster និង​ Nathan Fishbourne

អ្នក​ទាំង​ពី​រ​មកពី​ចក្រភពអង់គ្លេស​ ​​បាន​​មាន​ទំនាក់​ទំនង​​ស្នេហា​​នៅ​អាយុ ​១៣​ឆ្នាំ​ដូច​គ្នា ​រហូត​មាន​ផ្ទៃ​ពោះ និង​សម្រាល​កូន​​ប្រុស​នៅ​អាយុ ១៤​ឆ្នាំ។ ទោះ​អ្នក​​ទាំង​ពីរ​មាន​កូន​នៅ​​វ័យ​ក្មេង​ តែ​ពួក​គេ​បំពេញ​តួនាទី​ជា​ឪពុកម្ដាយ​ល្អ ​ដោយ​ខំ​ចិញ្ចឹម​បីបាច់​រហូត។​

៥. Tia Davies និង​ Jordan Williams

ម្ដាយ​របស់ Davies ​​មាន​នាង​​នៅ​អាយុ ១៥​ឆ្នាំ ​ហើយ​​ Davies ​​បាន​ដើរ​តាម​គន្លង​ម្ដាយ​ខ្លួន​​​ ព្រោះ​នាង​​​កើត​បាន​កូន​​ម្នាក់​​ពេល​នាង​មាន​អាយុ ១៤ឆ្នាំ។ នាង និង​មិត្ត​ប្រុស​ ​សម្រេច​មិន​ចាកចេញ​ពី​គ្នា ​និង​រួម​​​គ្នា​ចិញ្ចឹម​កូន​រហូត៕ (អត្ថបទ៖ ឡូយកប់)

ប្រភព៖ ឡូយកប់