ឌុច លីដា ខ្លាចខ្ពស់ តែនៅតែព្យាយាមលោតចុះពីលើអាកាស ទាំងទឹកភ្នែកសឹងតែសន្លប់ (មានវីដេអូ)

ភ្នំពេញ៖ កម្មវិធីល្បីឈ្មោះមួយរបស់ប៉ុស្តិ៍បាយ័ន «I-Mission 2» ឬហៅថា«បេសកកម្មពិសេស វគ្គ២» ដែលគេដឹងថា ជាកម្មវិធីបែបកម្សាន្តលាយជាមួយនឹងដំណើរផ្សងព្រេង ដែលតម្រូវឲ្យតារាកិត្តិយសចូលរួមលេង ត្រូវមានភាពក្លាហាន និងមានភាពឆ្លាត អាចបត់បែនបានយ៉ាងរហ័ស ទៅតាមស្ថានការណ៍និងឧបសគ្គ ដែលកម្មវិធីបានរៀបចំ សម្រាប់ប្រកួតប្រជែង។

ជាការពិតណាស់ ចូលមកដល់សប្តាហ៍ទី៣នៃការប្រកួតប្រជែង គឺយើងសង្កេតឃើញថា ការប្រកួតគឺមានភាពពិបាកខ្លាំងមែនទែន រហូតដល់វគ្គចុងក្រោយ ជាវិញ្ញាសារជិះខ្សែរ៉ក រួចហែលទឹកមកវិញ និងលោតកម្ពស់ ដែលវិញ្ញាសារមួយនេះ ធ្វើឲ្យបេក្ខនារីស្រែកយំមិនស្ទើរនោះទេ។ ជាពិសេស គឺតារាសម្តែងស្រីឌុច លីដា ដែលនាងបានទម្លាយថា នាងគឺជាមនុស្សម្នាក់ដែលខ្លាចខ្ពស់បំផុត ប៉ុន្តែក្នុងកម្មវិធី ស្រាប់តែតម្រូវឲ្យនាងលោតពីទីខ្ពស់។ ដែលនៅឈុតត្រង់នេះ បានធ្វើឲ្យទស្សនិកជន ទស្សនាហើយអាណិតខ្លោចចិត្ត ចំពោះតារាស្រីរូបនេះខ្លាំងមែនទែន ដោយក្នុងនោះ នាងទាំងភ័យទាំងយំរហូតហើមភ្នែក ទម្រាំដាច់ចិត្តលោតចុះ ដោយមានក្រុមការងារជាច្រើនចាំស្រែកលើកទឹកចិត្តពីក្រោម។ ប៉ុន្តែមិនថាយ៉ាងណា គ្រាន់តែលោតចុះមកដល់ក្រោមភ្លាម ធ្វើឲ្យកញ្ញា ឌុច លីដា ភ័យសឹងតែសន្លប់ ប៉ុន្តែសំណាងល្អ ក៏មានដៃគូល្អ លោក ណាខុន ព្យាមយាមជួយសម្រួលអារម្មណ៍នាង ឲ្យបានធូរស្រាលផងដែរ៕ កុំឲ្យខាតពេលយូរ តាមដានវីដេអូទាំងអស់គ្នា៖